The content originally appeared on:
Diario
Director di AZV, Edwin Jacobs:
ORANJESTAD (AAN) – Director di AZV, Edwin Jacobs, den e cuadro e acuerdo firma pa Minister di Salud, AZV y WGK, pa continuacion di e servicio di POH, y ampliacion di esaki den e area di salud mental, tambe a dirigi palabra na esnan presente den e conferencia di prensa y acto di firmamento.
Jacobs a haci un recuento di locual Minister Oduber, Dokter van Trigt, Gino Goeloe y Gina Maduro a trece dilanti, y el a resalta cu nan ta mustrando e compromiso di AZV cu ta poniendo e suma, pero e trabao dificil ta keda na WGK aworaki pa recluta e profesionalnan, cu den e temponan aki no ta facil pa haya.
Director di AZV a subraya cu pa nan ta importante cu esaki a mustra e compromiso di AZV cu e acuerdo di cuido “Zorg Akkoord” y sigur tambe pa e compromiso di Eerste Lijn. “Solucion pa futuro t’eynan y si nos no inverti eynan e demanda di cuido cu nos ta premirando pa añanan 30 ta bay trece un situacion hopi fastioso pa Aruba y nos ta trata aworaki di preveni door di inverti y busca solucion”, Director di AZV a subraya.
