The content originally appeared on:
Diario
Esaki tabata ex-Hotel Perde d’Or
Residencia cu ta special pa personanan di 55+
ORANJESTAD (AAN): Diabierna atardi, tabatin inauguracion oficial di un fabuloso proyecto cu a worde realisa door di FCCA pa acomoda personanan di 55+. E ta wordo yama ‘Residencia Blenchi’.
Hopi hende tabata conoce e lugar aki como Perle d’Or Hotel na Boegoeroei. Esey no ta existi mas, y awor e ta den man di FCCA, cu a converti esaki den un compleho diferente.
Habitantenan di e compleho cu awor yama ‘Residencia Blenchi’ lo gosa di un ambiente unico cu ta inclui un piscina, area comun pafo y hopi mata bunita. E viviendanan aki, 48 total, tin un enfoke ariba actividad fisico y social pa yuda mantene un calidad di bida halto.
E meta ta pa gobierno yuda facilita e proyectonan aki asina complementando e vision di Ministerio di Asuntonan di Adulto Mayor. Un futuro unda cu nos grandinan ta keda mas largo posibel den entorno propio.
Ministerio di Asuntonan di Adulto Mayor ta gradici FCCA y duna nan un gran pabien pa e logro aki. ‘Mi ta contento cu nos tur ta compronde e tarea pa duna Adulto Mayornan e atencion cu nan merece’ Minister Arends a expresa durante e inauguracion.
