Empleadonan di Stichting HUNTO ricibiendo training di Certified Internship Mentor

ORANJESTAD (AAN): Sigur un gran paso dilanti pa e futuro di guia y cuido na Aruba! 

E empleadonan di Stichting HUNTO a cuminza oficialmente cu e training di ‘Certified Internship Mentor’, cu ta wordo suministra pa Plataforma Educacion y Labor (PEL).

   Stichting HUNTO ta hunga un rol vital na Aruba door di suministra cuido di salud mental y sosten di adiccion, yudando e persona- y famianan cana pa recuperacion y bienestar.

   Door di participa den e training aki, e profesionalnan dedica ta reforzando nan habilidadnan pa duna mihor guia y sostene e grupo di hendenan na forma mihor, creando experiencianan di siñamento significante den e sector di cuido.

   Sigur tin di duna nan un bon reconocemento pa nan dedicacion, motivacion, y inversion den e futuro generacion.  Hunto lo sigui construi un mihor conexion entre educacion, asistencia, cuido, y mercado laboral.