The content originally appeared on:
Diario
Buki di Pret Aruba
ORANJESTAD (AAN): Cu gran entusiasmo, e Fundacion Buki di Pret ta informa e lansamento festivo di e edicion number 4 na Aruba di e popular buki gratis di vakantie pa mucha. E prome ehemplar a wordo entrega festivamente door di e atleta Arubiano di BMX Shanayah Howell na scol basico Graf von Zinzendorf na San Nicolas.
E buki di e aña aki, cu tin casi 100 actividadnan diferente totalmente gratis of na un prijs special y ofertanan den diferente categoria, specialmente compila pa e vakantie grandi y destina pa tur mucha di Aruba entre 6 y 13 aria (klas 1 to 6).
Ademas di tin 20% mas na actividadnan compara cu e edicion anterior, e aña aki tambe tin otro actividadnan divertido extra. Por ehempel, pa prome biaha, lo haci uzo di cinco busnan specialmente pa mucha cu, di otro forma, lo no por participa na e actividadnan di Buki di Pret. E edicion di 2024, den cooperacion cu e Fundacion pa e Conservacion di Aruba y e Museo Arkeologico Nacional di Aruba, a wordo enrikece cu tur clase di informacion divertido y educativo encuanto e historic, flornan, matanan y e reino animal di Aruba.
Durante e siguiente simannan, e boluntarionan di e Fundacion Buki di Pret lo bolbe bishita tur e scolnan basico pa entrega un copia personal na e muchanan. Naturalmente e aria aki tampoco lo lubida e muchanan di educacion special of cu ta haya les na cas.
Buki di Pret Aruba e aña aki tabata posible atrobe door di e ayudo di hopi negoshi, institucion-, asociacion- y boluntarionan local. Danki na nan apoyo, e iniciativa balioso aki por continua y wordo extende.
Tocante Fundacion Buki di Pret: E fundacion sin fin di lucro, ta kere cu tur mucha tin e derecho di tin un ambiente sigur, saludabel y yen di retonan pa sina. E vakantie y e dianan liber ta contribui na esaki. Aki ta net unda Buki di Pret brinda un man. Afortunadamente, tin asina hopi actividadnan divertido pa haci na Aruba! Fundacion Buki di Pret ta gusty yuda mayornan y nan yiunan pa descubri y biba experiencianan nobon. Nan kier anima e muchanan pa discubri nan talento y pasionan. Tur mucha merece di pasa un vacacion dibertido!
Por haya sa mas di nan via e website di bukidipretaruba.com
