Motociclista a herida su pia den accidente na Jaburibari

The content originally appeared on: Diario

ORANJESTAD (AAN): Diasabra merdia, rond’i 3’or, polis a ser yama pa un accidente serio entre un brommer y un auto pazuid di Stichting Thuiszorg Aruba na Paradera.

            Un agente na civil cu tabata pasando a mira e accidente y mesora a bati alarma pa informa cu ta trata di un caso serio. E motociclista a keda gravemente herida na su pia drechi.

            Patruyanan a yega rapidamente na e caminda di Paradera pa Jaburibari y a cera esaki pa atende e situacion.

            Durante e incidente, e motociclista tabata cant’i caminda rondona pa algun hende. E persona herida tabata aparentemente na caminda pa trabou.

            Na e sitio, a papia cu e señora cu tabata stuur di e Ford envolvi, y el a splica cu e ta bayendo zuid ora cu e brommer, cu tabata na su banda robes, a dal contra e Ford dilanti y a bay cay algun meter mas patras.

            Den e impacto, e motociclista a herida su pia seriamente. Paramediconan a yega na e sitio y a prepara e victima, y poco despues nan a transport’e pa hospital.

            Polis di trafico a haci nan investigacion y despues a habri bek e caminda.

            Tanto e brommer como e auto a haya basta daño material.