The content originally appeared on:
Diario
ORANJESTAD (AAN): Relaciona cu Dia di Himno y Bandera directiva di Centro di Bario Playa Pabao ta organiza un actividad cultural riba dialuna 18 di maart.
E actividad ta cuminsa pa 12’or di merdia y ta termina atardi pa 6’or. Riba e programa tin entre otro: gruponan di baile hubenil y infantil, ganadornan di e festival un canto na nos Himno y Bandeira, baile di sinta bou di direccion di sra Lia Lopez y hopi mas.
Mester menciona cu durante di e actividad ta haci entrega di e premio Cultural Playa Pabao 2024 cu ta sr. Hector (Chichi) Perez. Directiva di Centro di Bario Playa Pabao ta gradeci Comicion Pa Celebra Dianan Nacional pa nan sosten financiero. Bar y cushina lo ta bon surti.
