Danilo Werleman a bira Presidente di FUNARI

​

ORANJESTAD (AAN) – Danilo Werleman, despues di ta colaborado di Fundacion FUNARI pa hopi tempo,

awo el a wordo pidi pa bira Presidente di e Fundacion, locual el a acepta cu hopi amor.

Asina el a declara den entrevista cu DIARIO. El a expresa cu Funari ta duna ya pa 45 aña un bunita trabao na e comunidad di Aruba.

E reto di mas grandi cu Funari tin ta cu ta inhabilita na Aruba, y ta dificil pa nan pa haya sponsors, of e ayudo pa desaroya nan mes. Funari ta yuda cu esey, trece nan y duna nan e chens cu nan tin movecion, pero tambe cu nan mente ta wordo entrena. No solamente Funari ta yuda personanan di edad grandi, pero tambe nan ta yegando na  hendenan mas jong cu mester di ayudo pa asina nan por sigui studia.

Sirbidornan di Funari no solamente ta yuda actualmente, esnan di edad cu ta inhabilita, pero tambe ta yuda e hobennan, pero e reto mas grandi, logicamente ta e fondonan.

El a bisa cu awo cu el a bira Presidente di Funari, e plan ta sigui busca manera pa engrandece e Fundacion pa su clientenan haya un miho ayudo,. Y claramente, nan mester di sponsors pa yuda cu esey, sin lubida cu Obispado tambe ta yuda nan hopi cu e lugar cu nan ta usando na Savaneta, y ta purba di hacie mas agradable pa e clientenan.

Danilo Werleman a subraya cu por ripara cu nos poblacion ta enveheciendo y tin mas hende cu inhabilidad door di diferente malesa, pero Funari no ta completamente cla pa e desaroyo aki. Tin dialogo tocante esaki y nan lo sigui pusha wak si e sponsornan por haci Fundari un tiki mas cla ora e momento yega y cu nan tey pa yuda.