Cu Helicopter a bay evacua mucha chikito di barco crusero

Nabegando pariba di Aruba...

ORANJESTAD (AAN): Siman pasa Wardacosta di Caribe Hulandes a ricibi un yamada urgente, cu tin un barco crusero nabegando cerca di islanan ABC y cu abordo tin un emergencia medico.

   E peticion a bin di e barco crusero, cu kier a check pa evacua un pasahero menor di edad pa e haya atencion medico urgente na un Hospital.

   Ta trata di un mucha homber di apenas 5 aña di edad, kende a bira malo riba e barco.  Centro MOC di Wardacosta a dicidi na consulta cu e Dokter di CITRO pa check su evaluacion.   El a haya informacion necesario, y a bisa cu ta necesario pa manda Helicopter y busca e mucha.

   Di e forma ey un Helicopter di Wardacosta a lanta vuelo pa 11:50 pm pa e Helicopter cu tabata mey-mey di Aruba y Corsou.  Sinembargo toch e tabata mas cerca di Corsou, na parti Noordwest di e isla.

   E Helicopter a yega eynan den exactamente 15 minuut, y mesora a haci e trabao di hisa e mucha abordo, y ya 18 minuut despues a cuminza bula bek pa Corsou.

   Pa 12:55 am e Helicopter a yega bek na Corsou, unda cu Ambulance tabata cla pa bay cu e mucha homber chikito rumbo pa Hospital.