The content originally appeared on:
Diario
ORANJESTAD (AAN): Grupo Boolchand ta encanta di anuncia e gran apertura di nan tienda nobo y espectacular di ‘Pandora’
cu awor ta na Lloyd G. Smith Boulevard 17, na Forum Shops (edificio di Diamonds International), den curazon di e centro bon bishita di ciudad. E traslado aki ta forma un etapa significante pa Boolchand Group y Pandora, mehorando accesibilidad y suministrando asina un experiencia di compra aun mas encantador pa nan clientenan fiel.
Anteriormente ubica den edificio di Ling & Sons na Eagle, e mudamento di Pandora pa e lugar privilegia aki na centro di ciudad, ta nifica un cambio strategico pa sirbi mihor e clientenan y aumenta nan presencia den e vibrante centro di ciudad. E tienda nobo ta priminti un ambiente cautivador y cu amplio lugar pa expone e coleccion exquisito di Pandora su prendanan traha na man y diamante, incluyendo nan iconiconan charms, armband, renchi, renchinan di orea, y cadena di garganta.
E aña aki tin un nificacion special pa Grupo Boolchand, ya cu e mudamento di Pandora ta coincidi cu e 50 aniversario di Boolchand Group na Aruba. Atravez di añanan, The Boolchand Group a logra crece y diversifica su presencia na Aruba.
“Nos ta encanta di inaugura nos tienda nobo magnifico den curazon di Oranjestad, ofreciendo un experiencia di compra eleva na nos clientenan balioso,” ta loke Ravee Nandwani a bisa, kende ta director di The Boolchand Group. “Awor cu nos ta drenta den e capitulo nobo emocionante aki, nos ta extende nos mas sincero gratitud na comunidad di Aruba pa nan apoyo continuo durante e ultimo 50 añanan. Nos ta agradeci pa e confiansa continuo di Pandora den nos como socio.”
El a finalisa bisando: “Nos ta spera di duna bon bini na boso tur na nos Gran Evento di Reapertura, y celebra hunto cu The Boolchand Group pa cuminsa cu e festividadnan rond di nos 50 aniversario.”
