Becadonan cu a yega Hulanda a bisa cu tempo ta dushi y anochi mas fresco

ORANJESTAD (AAN): Manera ta conoci, siman pasa Diaranson e prome grupo di becado a sali pa Hulanda, unda cu nan a yega aya riba Diahuebs 6 di Augustus 2026.

   Aunke algun siman prome tabatin un tempo hopi calor y sofocante na Hulanda, toch pa suerte nan a bin topa cu un tempo cu tabata cayente, pero toch anochi ta bira basta fresco.  Temperatura Diahuebs a yega te cu 28º Celsius, y Diabierna esey tabata te maximo 29º Celsius.

   Sinembargo anochi temperatura tabata mas fresco y esaki a pone e studiantenan lubida completamente riba e storianan cu Hulanda ta calor.  Pero tin di corda cu ainda verano no a finaliza, y cu por tin mas dianan cu ta calor y sofocante na caminda.

   Aki por mira mas potret di yegada di e studiantenan na Hulanda, pa cortesia di Arubahuis y Kabinet di Aruba na Hulanda.