Aruba Bank a anuncia e campaña yama ‘POV: Mega 2026’

Ya por cuminza aplica pa e mega deal di bo auto

ORANJESTAD (AAN): Diabierna mainta DIARIO tabata presente na conferencia di prensa na sede principal di Aruba Bank na Camacuri, ora cu Lizani Wever a anuncia cu e nomber di nan campaña pa 2026 a bira ‘POV: Mega 2026’, y a anuncia cu entrante awe caba por cuminza aplica pa bo Mega Deal pa bo auto of motorcycle nobo.

    E mainta a cuminza cu Edseline Leer (Head Retail Banking) a duna prensa un bon bini, indicando cu nan ta bay anuncia comienso di e tan spera Mega pa 2026, y nan sa cu clientenan ta sperando anciosamente riba e anuncio di Banco.

   Despues a pasa palabra pa Lizani Wever (Manager Retail Sales and Services) di Aruba Bank kende oficialmente a anuncia comienzo di nan campaña di prestamo di auto, y ta hopi hende ya caba tabata mirando ‘teasers’ pa cu esaki.

   El a anuncia cu e biaha aki, e nomber oficial a bira: “POV: Mega 2026”.  Aki e POV nifica “Point-of-View”.   El a bisa cu Mega di 2026 ta encera un evento financiero unda clientenan por explora un variedad amplio di auto y motorcycle, compara opcionnan y ricibi guia financiero na un solo luga.

   Campaña a start di Diabierna 14 di Augustus 2027 caba, y lo finaliza dia 29 di Augustus 2026 cu un evento grandi pa cual semper nan ta conoci p’e.

   Wever a agrega cu nan campaña tin algun beneficio cu clientenan gusta masha hopi mes, e.o. e trend di ‘Buy Now, Pay Later’, cu nan ta conoci p’e.  Pues cliente ta cuminza aplica di awor caba, y ta cuminza paga te aki 6 luna.  Tambe cu 0 Florin downpayment ya bo por haci compra di auto, y mucho mas beneficio.

   E evento final y grandi mes lo tuma luga Diasabra 29 di augustus 2026, di 5:00 pm pa 9:00 pm, na Aruba Bank Camacuri. Mayoria dealer di auto y motorcycle lo ta presente cu nan modelonan, ofertanan y opcionnan mas reciente, brindando bishitantenan e oportunidad pa mira y compara diferente vehiculo durante e mesun anochi.

   Segun Lizani Wever, no tin nodi di warda te MEGA Day, ya cu for di awe caba clientenan por cuminsa aplica pa nan MEGA Deal.

   Beneficionan: Pa esnan interesa, esaki ta e beneficionan di e campaña POV: Mega 2026: (*) 0% down payment. (*) Cumpra awor y cuminsa paga despues di 6 luna.  (*) Termino di pago te cu 7 aña, y ta depende di e suma cu ta aplicando p’e. (*) Aseguro cu descuentonan special.  (*) Aprobacion on-the-spot durante e evento.  (*) Oportunidad pa gana 10.000 Florin.  (*) Interes di entre 5% pa 5.25% (efectivo 6.70%-10.83%).

   Durante e evento, clientenan por conta cu asistencia personalisa di representantenan di Aruba Bank, kende lo yuda nan comprende e diferente opcionnan financiero y prepara nan aplicacion.

    Un experiencia completo na un solo luga, y pesey awor e aña aki tin e observacionnan aki.

   POV: MEGA 2026 ta reuni mayoria dealer di auto y motorcycle na Aruba Bank Camacuri, creando un experiencia conveniente unda bishitantenan por descubri diferente marca y modelo, haci pregunta directamente na e dealernan y explora nan posibilidadnan financiero.

   Lizani Wever a agrega cu di awor caba por bay na arubabank.com/mega pa haya informacion, y bo por aplica tambe online, pa despues ricibi contact cu esnan encarga cu e campaña pa haya mas informacion.

   Aplica for di awe pa bo MEGA Deal y descubri con bo por cumpra bo auto of motorcycle awor. Campaña valido pa tur cliente existente y nobo di Aruba Bank, di 14 te 29 di augustus 2026.

   Aruba Bank ta reserva e derecho di prolonga, reduci of termina e campaña na cualkier momento. Despues di e campaña, interes lo ta 6.25% pa aña pa vehiculonan regular (interes efectivo ta varia entre 8.08% y 10.00%) y 6.00% pa aña pa vehiculonan hybrid y electrico (interes efectivo ta varia entre 7.80% y 9.70%). E vehiculo financia ta garantia di e prestamo. Pago adelanta tin un multa di 5% riba e balansa pendiente, cu un minimo di 535 Florin. Terminonan y Condicionnan General di Aruba Bank ta aplicabel.