Local News

Pelea entre famianan den Corte di Husticia

19 November 2026
This content originally appeared on Diario Online.
Promote your business with NAN

Caso di Hit & Run fatal...

ORANJESTAD (AAN): E acusada Chania Fernandes Pedra a presenta Diahuebs den Corte di Husticia, y presenta cu un carta largo di 13 pagina dirigi na Hues.

   Despues cu Hues a lesa e carta di 13 pagina y cu Fiscal a duna su reaccion, mesora Hues a bay evalua e peticionnan cu ta inclui den e carta. Hues a dicidi cu e ta rechaza e peticion di pospone e caso y tambe e peticion di lag’e liber.

   E momento ey Chania Fernandes Pedra un biaha mas a bisa cu e ta keha Hues pasobra e ta haya “cu no ta cumpli cu su peticionnan.”

   Scuchando esaki, Hues mesora a pospone e caso pa asina Hof atende e caso.  Y mas cu claro e famianan a sali for sala di Corte.

   Pero durante cu esaki ta socede, a cuminza cu gritamento y pushamento. Miembronan di CEA a actua pa trece trankilidad.