Na cede di MEP tambe ta yuda adultonan mayor registra pa e portal di BOi

ORANJESTAD (AAN): Durante e siman aki, Partido MEP a habri nan sede na Santa Cruz pa

asina duna yudansa na specialmente adultonan mayor, pa nan registra den e portal di Bo Impuesto, conoci como ‘BOi’.

   Via e sistema aki bo por yena bo Aangifte Biljet di awor en adelante.

   Na cede di MEP, tabata un placer pa mira caranan contento di hendenan hayando yudansa.  Nan mester a djis trece nan cedula, tambe nan persoonsnummer, of cualkier Aangifte Biljet bieu.  Tambe bo mester tin un email, y si acaso esey bo no tin, nan ta yudabo tambe.

   Si bo no a registra ainda, of si bo tin problema pa registra, esnan na MEP lo yudabo cu atencion.  Nan ta haci esaki gratis y ta habri pa henter Aruba.  Bo tin di yama 660-2837 pa un cita tambe.