Biografia di famoso autor inclui den buki ‘Uit baldadig hout ben ik gesneden’

Dialuna lo presenta buki nobo riba bida di Frank Marinus Arion

ORANJESTAD (AAN): Dialuna, 26 di October 2026, di 6.00 pm pa 9.00 pm tin presentacion di e biografia di Frank

Martinus Arion na Biblioteca Nacional Aruba.

   For di Hulanda lo ta presente sra. Mineke de Vries, autor di e biografia di Frank Martinus Arion di Corsou. Titulo di e biografia ta “Uit baldadig hout ben ik gesneden”.

   E escritor Frank Martinus Arion (1936-2015) tabata un escritor reconoci, pero su infancia y hubentud tabata uno bastante dificil. Frank a keda su bida largo cu resentimento y cu sentido di culpabilidad y di berguensa. “Mi ta spera cu e historia di su bida lo demostra kico huicio y oprecion por haci cu un hende”, Mineke de Vries a comenta. Tambe lo tin presentacion di e documental: ‘Frank Martinus Arion: De man, de vrouw, de poëzie’ di cineasta Cindy Kerseborn (d.f.m.).

   Biblioteca Nacional Aruba, Departamento di Cultura Aruba y Gestor Cultural drs. Mirto Laclé ta trece presentacion di un obra literario balioso pa historia y literatura di Caribe pa comparti cu comunidad di Aruba. Publico ta bon bini.