Funcionarionan di WBSC a bishita Ministro di Deporte

ORANJESTAD (AAN): Ministro di Deporte, Gerlien Croes tabatin un encuentro productivo cu representantenan di World Baseball Softball Confederation (WBSC),

hunto cu Comite Olimpico Arubano (COA), pa dialoga tocante e futuro y desaroyo di baseball y softball na nos isla.

   Durante e reunion, a pone enfasis riba e importancia di bon gobernansa, fortalecemento di e structura di nos federacionnan y mas oportunidad di capacitacion pa sigui eleva e nivel di ambos deporte.

   “Mi ta aprecia e compromiso di WBSC, COA, ABBA y ASB pa sigui traha hunto, comparti conocemento y crea mas oportunidad pa nos atletanan, entrenadornan y comunidad deportivo. Cooperacion y bon organizacion ta e base pa un futuro deportivo mas fuerte,” Ministro a declara.