WEB Walk & Run di e aña aki a sold-out

ORANJESTAD (AAN): Manera ta conoci, un biaha mas WEB Aruba NV ta organizando nan evento di WEB Walk & Run 2026.

  E caredanan lo bay ta Diadomingo otro siman, esta 18 di October 2026, y e bon noticia ta cu e siman aki e evento a sold-out.  E dama hoben aki ta e ultimo persona cu a ricibi e BIB cu number 1250.  Esey nifica cu un total di 1.250 participante lo ta riba pia e mainta aki.

  WEB ta hopi contento cu tur esnan cu a registra y cu a busca nan BIB, sosteniendo e evento saludabel aki.  Nan a keda sorprendi cu asina hopi hende ta participando pa nan di segundo edicion.  Pues e mainta aki lo ta cla pa mira hopi hende yena cu energia y espirito di comunidad pa e coremento.