Riba Diaranson atardi Polisnan a reparti 107 boet na Playa

ORANJESTAD (AAN): Diaranson 23 september durante oranan di atardi pa anochi laat,

polisnan uniforma di districto di Oranjestad a tene un control riba caya, dirigi riba vehiculonan coriendo cu velocidad halto, chauffeur cu celular den man, y diferente otro infraccion den trafico.

   Durante e control aki Unidad Motorisa tambe a forma parti y tambe departamento di CEA.

   E control a tuma lugar riba Watty Vos Boulevard na altura di rotonde Bushiri, rotonde Cumana y tambe na Henny Eman Boulevard na altura di ATA.

   Un total di 107 chauffeur a haya boet. Tabata tin dos detencion pa no tin permiso di estadia y a takel un auto cu no tabata tin niun documento valido.

   E boetnan cu a wordo duna ta pa entre otro: (*) Sobrepasa velocidad maximo. (*) Celular den man. (*) No tin Rijbewijs. (*) Faha di siguridad. (*) Impuesto di plach’i number.  (*) No tin Aseguro.  (*) Keuringskaart.  (*) Core cu luz defecto.

   Control den trafico lo sigui y Cuerpo Policial Aruba ta haci un suplica pa abo chauffeur tin bo documentonan na ordo y valido cu bo. Un trafico sigur ta responsabilidad di nos tur.