Quito Nicolaas lo participa na un conferencia di UNESCO na Hulanda

ORANJESTAD (AAN): E conocido autor y consultant Arubiano, Quito Nicolaas a wordo invita pa participa na un conferencia di UNESCO, cual lo tuma lugar otro siman na Den Haag, Hulanda.

Durante e UNESCO Global Forum against Racism & Discrimination, riba dianan 28, 29 y 30 di october, lo conta cu participantenan di rond mundo, na unda Nicolaas lo haya e oportunidad di intercambia ideanan y asina haya un bista den ki fase di desaroyonan relaciona cu e tema aki ta. Na Hulanda mes, cu a kere cu nan ta hopi avansa riba tereno aki, ainda tin casonan cu ta manifesta nan mes, cu defacto mester a forma di nan  pasado. 

E conferencia aki ta sirbi pa intercambia di idea cu otro y pa duna sosten na esnan cu ta rekeri esaki. Nicolaas a indica cu e ta hopi cla den su ponencia: No solamente Hulanda pero Europa como continente, mester lucha durante e siguiente decada contra racismo y discriminacion. Y esaki no solamente riba tereno di enseñanza y di empleo. Cu e situacion economico na Europa, e ta premira cu e proceso aki lo dura mas largo cu un hende por pensa.