Barracudas a duna tiki show di landamento artistico durante Savaneta Seafood Festival

ORANJESTAD (AAN): Riba Diadomingo cu a pasa, durante e di dos evento di Savaneta Seafood Festival na

altura di e Pier di Brisas, publico por a haya tur cos!  Pisca, cuminda dushi, chens pa pisca, y tambe a haya un show di e team di Barracudas.

   E damanan hoben talentoso a drenta lama, y cu acompañamento musical a duna un show di landamento artistico na publico cu tabatey pa e Savaneta Food Festival.  E participantenan tabatin bodypaint riba nan curpa, y a demostra nan habilidad preciso den lama, y asina pueblo a haya chens di mira di cerca e bunita disciplina di deporte aki.  Publico a duna nan un fenomenal aplauso na final.

   Aki por mira potret di cuatro di e demas integrantenan cu a duna show.