Ora Gobierno ta papia di ‘surplus’ corda cu ta di saco di pueblo esey a wordo kita

Frans Ponson di CUA

ORANJESTAD (AAN): E siman aki durante Conferencia di Prensa di Comerciantenan Uni di Aruba (CUA), e president Frans Ponson a elabora un rato riba e famoso ‘Surplus’ cu cada rato ta tende gobernantenan ta papia di dje.

   Riba esaki, Ponson a indica cu pueblo di Aruba tin di corda algo claro di esaki.  “Pueblo mester corda un cos, esta cu ora Gobierno bisa cu tin un surplus, no ta gobierno a traha bon y gana e placa. Gobierno a kita e placa di e pueblo, kiermen a kita e placa di pueblo pa tin surplus, pasobra esey ta e realidad.”

   E comerciante a sigui bisa: “Paso ora cu gobierno lanta e B.B.O. na 10% mañan, loke ami ta haci ta kita esey e ora di pueblo.  Ta placa di pueblo tin e surplus!  Gobierno por bisa tin surplus, pero ora cu Gobierno ta bisa cu tin surplusnan grandi... esey kiermen cu pueblo a paga mas belasting, period.”

   Paso comerciante ta haci pago di BBO, pero nan ta haci esey pasobra nan a kit’e di pueblo.   Pero no ta mire bek ningun caminda.

   Aki e lo ta referi cu aunke tin surplus, por mira tardanza enorme pa drecha careteranan, haci reparacion na un brug, y tambe tardanza pa haya contesta y hasta vergunning pa construccion.