Minister Plenipotenciario Schwengle a ricibi e grupo grandi di studiantenan na Hulanda

ORANJESTAD (AAN)/Den Haag: E grupo di studiante Arubano cu ta bay sigi un estudio avansa na nivel di HBO of Universidad a

yega Hulanda dia 6 di augustus cu vuelo KL 767 di KLM. Ta trata di un total di 114 studiante, cu ta nifica cu e total di studiantenan cu a aña aki a bin studia na Hulanda ta mas grandi, pasobra tin studiante cu ta na Hulanda caba of ta bin mas laat.

Na Schiphol e studiantenan mescos cu tur aña a wordo ricibi door di Minister Plenipotenciario Mildred Schwengle. Pa zorg cu tur cos cana bon un delegacion consistiendo di functionarionan di Departamento di Enseñansa, Bienestar General y Cultura di Gabinete di Aruba, studiementor y miembronan di e POC (Plaatselijke Opvangcommissie) tabata presente den sala di yegada di Schiphol.

Unabez cu e grupo di studiante a sali cu nan maleta nan mester a para den grupo pa warda nan turno pa bai na e bus cu lo hiba nan na nan ciudad.

Mientrastanto tabata tin un momento fotografico cu e studiantenan cu ta desea di haci esaki.

Diabierna e grupo di studiantenan aki lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia necesario den nan ciudad unda pa sigur cuater aña of mas nan lo biba y studia.

E prome aña e studiante ta ricibi guia di e studiementor, pero pa e resto di su estudio e ta cay bou di Gabinete di Aruba. 

Potretnan ta cortesia di Gabinete di Aruba