ORANJESTAD (AAN): Siman pasa nos a anuncia e prolongacion di e cooperacion cu Holland House Colombia pa e periodo 2026–2027.
E cooperacion aki lo sigui habri porta pa mas comercio, inversion y oportunidadnan pa empresarionan Arubiano.
Gobierno di Aruba kier sigui diversifica e mercadonan di unda nos ta importa. Explorando e mercado di Colombia por yuda trece producto na un prijs mas faborabel na nos Isla y haci Aruba menos dependiente di e mercado di importacion di merca.
Cu Aruba su Trade & Investment Office na Bogota y acceso na varios experticionan y empresa, nos ta fortalece Aruba su posicion como un hub strategico den Caribe y Latinoamerica.
Hunto nos lo sigui traha pa: (*) Atrae mas inversion pa Aruba. (*) Crea oportunidadnan nobo pa exportacion. (*) Fortalece empresanan local. (*) Facilita misionnan comercial y networking. (*) Stimula crecemento economico sostenibel.
Related News
Hues a ordena mas investigacion den caso di chauffeur cu a dal turista mata cu auto y core...
Ainda no a defini formula pa uza riba e mesa di Discusion Dialogo Social of Dialogo Nacional
Un araña ta presenta e fiesta di Family and Friends
