Ya por inscribi pa e 4 edicion di OCT Youth Network

E ta habri pa hobennan di Aruba

ORANJESTAD (AAN): A caba di habri oficialmente e convocatorio pa e cuater edicion di OCT Youth Network, un iniciativa di Comision Europeo cu ta reuni hobennan di e Overseas Countries and Territories (OCTs) cu ta asocia cu Union Europeo.

   E OCT Youth Network ta brinda na hobennan e oportunidad pa representa nan pais, comparti ideanan cu otro hoben di diferente OCT, y contribui na discusionnan riba temanan importante pa futuro di nan comunidadnan.

   Si bo ta un hoben cu interes den liderazgo, desaroyo sostenibel, participacion di hoben y cooperacion internacional, awor ta e momento pa aplica. E deadline pa manda bo aplicacion ta dia 30 di augustus 2026.

   Bo por completa bo aplicacion haci esaki via e website:

www.bit.ly/oct2026

   Bo participacion den e OCT Youth Network ta ofrece e oportunidad pa representa Aruba den un red internacional di hobennan, haci contacto cu hobennan di otro Overseas Countries and Territories.  Tambe pa desaroya habilidadnan di liderazgo, comunicacion y representacion.  Por contribui activamente na conversacionnan riba e futuro di e OCT y e rol di hobennan.

   Nan ta anima tur hobennan di Aruba pa haci uso di e oportunidad aki y comparti e convocatoria cu amigonan, compañeronan di skol, organizacionnan di hoben y otro persona cu por interesa.

   No laga e oportunidad aki pasa! Aplica prome cu dia 30 di augustus 2026.  Pa cualkier pregunta of problemanan tecnico mientras ta yena e formulario, por fabor tuma contacto cu e team di aplicacion via This email address is being protected from spambots. You need JavaScript enabled to view it..