Dos temblor registra Diadomingo den cercania di Bonaire

ORANJESTAD (AAN): Riba Diadomingo 2 di Augustus 2026, dos temblor a wordo registra den cercania di e isla di Bonaire. 

Uno tabata mas fuerte cu e otro, y nan a socede apenas 3 ora y pico leu fo’i otro.  Aki DIARIO ta trece detaye di tur dos temblor.

   TEMBLOR #1: E prome temblor a registra pa 4:36 am y tabatin un magnitud fuerte di 4.1º riba Scala di Richter.

   Su epicentro a wordo localiza na 12.73º Nort y 66.56º West.  Esaki ta exactamente 198 km Noord-Noordoost for di pueblo di Rincon na isla di Bonaire.   E tabatin un magnitud di 4.1º riba Scala di Richter, y e epicentro tabata menos di 30 km bao subsuelo di lama.

   TEMBLOR #2: E di dos temblor a registra pa 7:47 am y tabatin un magnitud liviano di 1.9º riba Scala di Richter.  Esaki ta algo cu ta instrumentonan so lo registra.

   Su epicentro a wordo localiza na 11.80º Nort y 68.19º West.  Esaki ta exactamente 25 km zuid di Willemstoren di e parti mas zuid di Bonaire.  Su magnitud di 1.9º ta hopi chikito, y su epicentro tabata na un profundidad di 5,0 km bao di subsuelo di lama.

   Riba potret por mira Willemstoren cu ta na e parti mas zuid di e isla di Bonaire.