HNLMS Groningen ta na caminda pa Venezuela cu ayudo humanitario

ORANJESTAD (AAN): HNLMS Groningen a sali for di Corsou diadomingo mainta pa Venezuela pa entrega ayudo di emergencia despues di e temblornan devastador den e pais.

E barco naval a wordo carga na Corsou cu suministro entre otro awa y articulonan di ayudo. Tambe abordo tin un helicopter NH90 y dos FRISC (barco di intercepcion rapido).

Defense Caribbean ta desplegando HNLMS Groningen pa brinda asistencia despues di e temblornan devastador. E barco ta carga un suministro di awa y por produci awa potabel adicional uzando su sistema di purificacion di awa abordo. E tripulacion di HNLMS Groningen ta para cla pa duna yudansa di emergencia riba tereno, den cooperacion estrecho cu partnernan nacional y internacional. Pa medio di e accion aki, Hulanda ta contribui na esfuersonan internacional di alivio humanitario.

Banda di e despliegue di e barco di stacion Wardacosta di Caribe ta contribuyendo na transporte di mercancia y personal for di e islanan Caribense pa Venezuela uzando su avion Dash-8. Defensa Caribbean tambe ta apoyando e operacion di ayudo di emergencia di Merca cu ta wordo coordina for di Aeropuerto Hato.

Riba peticion y den coordinacion cu autoridadnan local riba Corsou, Bonaire, y Aruba, Defensa Caribe ta contribui na operacionnan di yudansa humanitario despues di calamidad of emergencia den region durante henter aña door di sostene autoridadnan local. Desplieguenan asina ta particularmente importante durante temporada di horcan.

HNLMS Groningen ta den Caribe for di cuminsamento di juni y ta wordo desplega pa varios tarea di seguridad maritimo, manera vigilancia, enforsamento di ley, y contraresta actividadnan ilegal manera contrabando di droga.