Wardacosta Caribe Hulandes ta intercepta boto cu droga den cercania di Aruba

ORANJESTAD (AAN): E barco di Marina Real Hulandes Zr.Ms. Groningen a intercepta un boto cu tabata transporta droga riba 11 di juni ultimo den cercania di Aruba.

Durante e accion e barco di Marina Real a nabega pa Wardacosta Caribe Hulandes

E boto sospechoso a wordo detecta pa e avion di Wardacosta y Zr. Ms. Groningen a drenta mesora den accion. Cu yudansa di e helicopter NH90, cu ta e helicopter di combate cu ta opera for di Zr.Ms. Groningen, dos boto tipo FRISC y un Metal Shark di Wardacosta, a persigui e boto sospechoso riba lama y intercepta esaki.

E dos sospechosonan a bordo di e go-fast y e paketenan di droga a bay Wardacosta na e Steunpunt na

Savaneta y a keda entrega na Cuerpo Policial di Aruba. E droga a wordo destrui.

Zr.Ms. Groningen for di cuminsamento di juni ta e barco patruyero di Marina Real cu ta nabega den region di Caribe. E barco ta monitoria e situacion di seguridad den e area di e islanan ABC y ta sostene tareanan di Wardacosta den Caribe Hulandes.