Mas di 54% di e hobennan tin problema cu termento

Shurman Milliard, director:

ORANJESTAD (AAN)—Fundacion Telefon pa Hubentud a haci un investigacion relaciona cu Termento y un aña despues a yega na resultado, y e ta menciona cifranan cu ta mustra cu door di e proyecto aki, e porcentahe di termento na Aruba a baha. Ocho scol a participa den e onderzoek aki.

Shurman Milliard, director di Fundacion Telefon pa Hubentud (FTPH), a haci un encuesta hunto cu CBS cu a bay scolnan a haci un encuesta bao 8.400 hoben, cu ta nifica mas cu 10% di e hobennan local cu locual por generaliza e resultado.

E onderzoek aki a revela cu mas di 54% di e hobennan tin problema cu termento y pesey FTPH a cuminza e proyecto y a haci training.

Shurman Milliard a subraya cu 54% ta un porcentahe halto y por compara esaki cu otro paisnan cu FTPH a puntra manera na Hulanda, nan ta 11%, na Merca ta 24%, pues na Aruba ta mas halto; na Bonaire y Curacao un di e tareanan cu nan tin ta, tambe haci un investigacion pa haya sa kico ta nan situacion prome cu Fundacion Telefon pa Hubentud tocante termento y tambe hacie un aña despues, pa asina por wak kico ta e efecto di e proyecto aki. Na Aruba a mira con e porcentahe a baha cu 24% na e momento cu Telefon pa Hubentud a hacie.  Esey ta e prome aña y despues a constata cu el a baha atrobe cu 11%. Esey ta nifica cu den dos aña caba, door di un proyecto di FTPH termento a baha na scolnan. Nan a haci e proyecto na ocho scol y e porcentahe di termento a baha na 36% caba. Asina Shurman Milliard a menciona.

Milliard a señala cu si structura esaki cada aña Aruba por logra pa e bira menos cu na Merca y FTPH ta spera cu e bira menos hasta cu Hulanda, cu ta 11%. Desde Hulanda nan a acerca FTPH pa bay duna e lesnan pa e muchanan aya tambe.