RCA a bira campeon Copa Betico Croes 2022

ORANJESTAD (AAN)- Diamars anochi a tuma lugar e gran final di Copa Betico Croes.

E aña aki e mesun dos teamnan di aña pasa a topa otro esta La Fama y RCA. Cu un gol na fabor di RCA na di 59 minuut tira pa Juan Villaraga, RCA ta bira campeon Copa Betico Croes.

Esaki sigur ta un alegria enorme pa e team di RCA ya cu ta bira e di 5 Copa cu nan ta gana di e torneo Betico Croes.

Organisacion di Racing Club Aruba contento di por celebra nan di prome titulo den 2022, e prome titulo pa coach Maurice Escalona como entrenador como tambe Jeff Lopez como presidente di e club tricolor.

Un pabien na tur dos equipo cu a sa di brinda e publico un tremendo wega final di futbol.