CHICAGO: Wind Creek Hospitality y Poarch Band of Creek Indians (PCI) a haya aprobacion di Illinois Gaming Board y asina ta gana e licencia pa por construi un Hotel y Casino na Chicago.
Nan a haya e plan di Wind Creek di ta “preliminarmente adecua” pa asina nan por bay ricibi e tan solicita licencia di casino den e parti zuid di e ciudad. E plannan cu ta riba mesa ta pone cu e Casino nobo aki lo bay habri na 2023.
Na e momento aki, e tribo di Creek Indians ta doño di tres resort di Hotel y Casino na Alabama, uno na Pennsylvania, y dos den Caribe. Nan negoshi existente di casino a pone nan ricibi premio na Merca y internacionalmente, incluyendo e tan busca rating di AAA Four Diamond.
“Mi ta hopi orguyoso cu e Illinois Gaming Board a reconoce e balor di nos marca Wind Creek Hospitality cu sede na Alabama,” ta loke President y Director General di PCI, Stephanie Bryan a bisa. “Nos a mira e impacto positivo cu nos negoshi di Casino tabatin na nos estado Alabama, como tambe na Pennsylvania, Nevada, y tambe Aruba y Curaçao den Caribe. Nos sa cu Casino bon organiza ta ofrece oportunidadnan pa desaroyo economico y crea empleo cu por mehora calidad di bida di comunidadnan den cual nos ta inverti na largo plazo. Nos ta entusiasma y ta sinti nos mes honra di por hiba nos negoshi pa Illinois y forma parti di e comunidad di Chicago.”
President y Director di Wind Creek Hospitality, Jay Dorris a bisa cu nan ta contento di por traha cu lidernan na Chicago.
Related News
AVB ta yuda den rehabilitacion di futbolistanan lesiona
Super Food Plaza Cares Program ta haci donacion di 100 mil Florin reparti entre tres funda...
Negociacionnan cu Hulanda riba supervision financiero ainda ta tumando lugar
