The content originally appeared on:
Diario
Boto a kapseis panort di Aruba
ORANJESTAD (AAN): Den ora nan di dialuna madruga, Centro Maritimo Operacional (MOC) di Wardacosta di Caribe Hulandes a ricibi un mensahe di un boto den necesidad pidiendo asistencia riba lama.
E boto a kapseis y bolter aproximadamente 74 miya noordwest di Aruba. Mesora Centro MOC a despacha avion Dash-8 di Wardacosta a sali pa haci un buskeda den e area y a haya e boto cu a bolter cu e 2 personanan riba dje.
Inmediatamente a pidi e helicopter di Wardacosta pa bay den direccion di e incidente, pasobra a haya sa cu e dos naufragonan, cu a logra di subi riba e kiel di e boto cu a bolter.
A saca nan for di lama y a transporta nan sano y salvo pa Aruba. Miembronan di Wardacosta na Aruba a ricibi nan debidamente, y lo cana e caminda necesario, hunto cu nos partnernan, pa e dos persona nan di nacionalidad Dominicano por bay nan pais back .
