The content originally appeared on:
Diario
ORANJESTAD (AAN): For di 19 di maart, e venezolanonan den exterior tin e oportunidad pa actualisa nan Registracion Electoral na Conseho Nacional Electoral (CNE).
Si bo ta na Aruba, por bay na Consulado di Venezuela, ubica na Tanki Flip #6, di dialuna pa diamars, durante oranan di 8:00 pa 11:30 a.m. y di 2:00 pa 4:00 p.m. Ta importante pa bo tin bo Cedula di Identidad lamina, sea vigente of caduca, manera tambe Papel di Censo, cu ta costa 5 Florin.
E fecha limite pa realisa e tramite aki ta te dia 16 di april, pa esaki ta haci un yamada na e ciudadanonan venezolano pa no laga esaki pa e ultimo dia di e forma aki por tuma parti activamente den e proceso electoral for di unda bo ta.
Na tur parti di mundo, segun orden di Conseho Nacional Electoral, e inscripcionnan ta habri dia 18 di Maart, pero pa motivo cu na Aruba esaki ta un dia di fiesta nacional, e Consulado lo cuminsa dia 19 di Maart.
