Siman a start y Benny Sevinger cu Pieter Susebeek ta encarcela

Caso Avestruz

ORANJESTAD (AAN): Despues cu Corte di Casacion na Hulanda a conclui cu e castigo di Corte Superior di Caribe Hulandes ta corecto, no a keda ningun recurso mas pa Benny Sevinger, Pieter Susebeek, y tampoco Leoncita Arends.

   Unico rumbo pa nan tres, ta pa bay pasa par di luna den Prison di KIA pa nan envolvimento den loke awor hopi hende ta considera Caso Avestruz cu a bira e investigacion di Caso di Corupcion di mas grandi den historia di Aruba.

   Benny Sevinger tin di bay sinta 3 aña di prison.  Pieter Susebeek tin di bay sinta 20 luna di prison.  Leoncita Arends tin di bay sinta 1 aña den prison.

   Pero riba Dialuna, ta solamente Sevinger y Susebeek a raporta nan mes.  Leoncita Arends ta den exterior, y na su yegada lo tin di reuni mesora cu Ministerio Publico pa planea su comienso di sinta su castigo.