The content originally appeared on:
Diario
ORANJESTAD (AAN): E compania Setar NV, como un di e patrocinadornan di Aruba Hi-Winds 2024
ta contento di mira back atras na un evento deportivo exitoso y bon bishita durante e dianan cu a pasa.
Aruba Hi-Winds ta un evento importante pa nos turismo y tambe pa nos localnan, cu por a disfruta di un tremendo participacion local y internacional yena cu ambiente.
E evento aki mes a cuminsa den decada di 1980, ora cu dos hoben dinamico local, Anthony Blok y tambe Ruben Croes a pone esaki riba pia, y di e forma ey Aruba Hi-Winds a nace y a bira awor un di e eventonan di mas importante den Windsurfing na mundo. E aña aki tambe nan a honra tanto Blok y Croes como ‘Founding Fathers’ di e evento.
E compania Setar NV pa hopi aña ta un sponsor strategico di Aruba Hi-Winds pa loke ta conexion y comunicacion.
