The content originally appeared on:
Diario
Reunionnan na Hulanda a cuminsa:
*Gobierno di Aruba ta na mesa y ta purbando di sali afo pa baha e interes di 6.9%
ORANJESTAD (AAN): Prome Minister Evelyn Wever-Croes despues di e conferencia di ‘Overseas Countries and Territories Association (OCTA) cu a tuma luga na Bruselas cu siman pasa, na unda cu el a tuma e encargo di Presidente di Octa pa e aña aki, a regresa Hulanda pa diferente reunion entre otro cu Premier Mark Rutte, Secretario di Estado Alexandra van Huffelen, Minister Rob Jetten, y cu Eerste Kamer y Tweede Kamer.
Diabierna prome di maart, Prome Minister, Minister di Economia Geoffrey Wever y Minister Plenipotenciario Ady Thijsen a reuni cu Secretario di Estado Alexandra van Huffelen. Aruba ta na mesa di negosacion riba e tema di e refinanciamento di debe y ta sigui traha riba esaki.
Prome Minister a indica cu ainda tin algun informacion cu Gobierno mester busca pa asina sigui combersacionnan riba e tema den e dianan venidero.
Importante ta, Prome Minister a expresa, cu Gobierno di Aruba ta na mesa y ta purbando di sali afo pa baha e interes di 6.9% cu Aruba mester bay paga riba e debe di Covid.
Secretario di Estado van Huffelen lo bishita Aruba dia 20 di maart proximo pa diferente reunion y Gobierno lo continua cu e reunion riba e tema di debe di Covid cu e Secretario di Estado.
galleryProme Minister, Minister di Economia y Minister Plenipotenciario a reuni cu Secretario di Estado van huffelen/gallery
