Presentacion encuanto awa y energia duna na studiantenan di Colegio EPI C&T

ORANJESTAD (AAN): Recientemente prome cu vakantie a cuminza, e studiantenan di prome aña na Colegio EPI,

Ciencia & Tecnologia (C&T) a haya e presentacion di WEB Aruba NV.

   E presentacion tabata titula “Awa y Energia pa Aruba.”

   Na e ocasion aki, funcionario Angelo Geerman entre otro a splica di produccion y distribucion di awa y energia, di e diferencia entre LFO y HFO, desaroyo di gas y con WEB ta incorpora tecnologia y sistemanan inteligente pa maneha produccion.

   Tambe a duna un bista di cuanto Megawatt di energia WEB ta produci via su Parke Solar y molinanan di biento na Vader Piet.

   Algo notabel ta cu e studiantenan a haci hopi pregunta y a aprecia e splicacion di e materia, cu no tur ora ta facil pa compronde. Segun WEB, pa nan tabata un placer pa duna e charla y comparti conocemento cu nos futuro generacion di profesionalnan tecnico y cientifico.

   Na final, esnan di Colegio EPI C&T a haci entrega di un regalito na Geerman pa e perfecto presentacion.