The content originally appeared on:
Diario
ORANJESTAD (AAN): Recientemente Polis di Bario San Nicolas tabata tin un accion pa motiva como tambe duna sosten positivo tanto na nos muchanan como mayornan.
Cada mucha a ricibi un sticker cu ta bisa “Ga zo door”. Esaki den cuadro cu e muchanan ta yega trempan scol cla pa sigui nan estudio y esaki ta danki na e mayornan tambe cu ta prepara e muchanan trempan pa nan por yega scol trempan.
Yegamento trempan ta stimula e muchanan pa sigui bay scol pa nan haci nan best pero tambe e responsabilidad cu bay scol ta importante! E Polis di Bario a bishita dos scol cu ta Colegio Santa Famia y Scol Preparatorio Tarcisius pa asina papia cu e muchanan y motiva nan cu loke nan ta haci ta bon y pa sigui yega scol trempan.