Ola tropical lo drenta Caribe laat diasabra anochi

ORANJESTAD (AAN): Departamento Meteorologico a informa cu un area di presion halto ariba Atlantico lo trece bientonan fuerte te cu posiblemente duro den nos region.

Humedad persistente den nos region por causa un awasero local durante e periodo di pronostico aki.

Tambe, un proximo ola tropical lo drenta Caribe laat diasabra anochi  treciendo humedad mientras e ta move west den nos region. Esaki por causa formacion di algun nubia cu awasero acompaña pa lamper cu strena durante weekend. 

Un concentracion leve te modera di stof di Sahara lo pasa den nos area durante e siguiente dia, reduciendo e visibilidad y  treciendo un aire di menos calidad. Ta urgi Personanan cu problema nan respiratorio pa tene  cuenta cu esaki.