The content originally appeared on:
Diario
Director di AZV, Edwin Jacobs:
ORANJESTAD (AAN)—Director di AZV, Edwin Jacobs, den entrevista cu DIARIO, refiriendo na e gastonan di fondo, a bisa cu na 2023 e presupuesto tabata na 475.5 miyon florin, cu ta e maximo cu AZV tin mag di gasta, conforme palabracion cu e Ministerio, y a logra yega na 474.2 miyon.
El a agrega cu e gastonan di operacion, compara cu 2022, a keda reduci cu 100 mil florin, pues total nan a yega na un total di gasto di gasto di 491.3 miyon florin pa aña 2023. “E aña aki e gastonan di cuido ta bay surpasa mey milliard florin”, el a añadi.
El a repasa tambe cual a e tres top sectornan di cuido cu ta ricibi placa di AZV, uno ta dr. Horacio Oduber Hospital, cu 189.8 miyon florin, sigui pa remedi y ‘verbandmiddelen’ cu 56 miyon florin, y ImSan cu 53 miyon florin. Cuido di e di dos liña ta haya mas cu mitad di presupuesto di AZV. Remedi y ‘verbandmiddelen’ tin un reduccion compara cu loke a realiza na 2022, pero esaki ta bay sigui aumenta. “Un desaroyo cu nos tin cu vigila di cerca, ta e cantidad di persona cu kizas ta hayando remedi cu ta hiba cas pero no ta uza nan y cu ta un gasto innecesario, en principio, pa e fondo, pero esaki ta bay haya nos atencion tambe pa e aña aki”, director di AZV, Edwin Jacobs a subraya.
galleryNa anja 2023 AZV a gasta menos di e maximo cu por a gasta, segun palabracion cu e Ministerio/gallery
