Ministerio Publico ta pidi viaheronan pa paga boetnan na tempo

Evita problemanan na frontera:

ORANJESTAD (AAN): Ministerio Publico ta suplica tur viahero pa paga debe di boet na tempo. Personanan cu boet habri por wordo para na frontera te cu nan paga e suma cu nan debe.

   Na momento cu un persona pasa den control na airport, e funcionario por wak den computer cu e tin un señal poni band’i su nomber, loke ta indica cu e debe boet. Den e caso ey, e viahero lo wordo para y por sigui unicamente despues cu el a paga su debe. Esaki por tin como consecuencia cu e ta perde su vuelo, cu e ta haye inesperadamente den gasto of cu su presupuesto di vakantie ta keda afecta... sin papia mes di e stress y desilusion cu e situacion aki lo causa.

   Ministerio Publico ta conseha viaheronan pa controla di antemano prome cu nan viahe si nan tin debe di boet y pa bin paga. Si bo persona no ta sigur sigur, por manda un email na This email address is being protected from spambots. You need JavaScript enabled to view it.. No lubida pa menciona e nomber completo.

    Ciudadanonan por paga na caha di Ministerio Publico. No tin necesidad pa haci cita, pues djis yega na cashier!  Ministerio Publico ta habri dialuna, diamars, diaranson y diahuebs di 8:00 am pa 11:30 am, y di 1:00 pm pa 3:30 pm. Cu excepcion di diabierna, pasobra diabierna Ministerio Publico ta habri mainta so. Por paga cash y online (via cuenta bancario 4000905 na Aruba Bank).

    Ministerio Publico ta desea tur hende un felis vakantie.