Mayoria habitante kehando na Polis di molester di auto y brommer ta revv motor den bario

Total di 204 habitante di Pariba di Brug a atende reunion Polis den Bo Bario

ORANJESTAD (AAN): Den e ultimo tres lunanan cu a pasa Polis di Bario di Districto di San Nicolas a tene diferente reunion den diferente bario pariba di brug.

   A cuminsa na San Nicolaas dia 10 di september 2025 sigui pa Savaneta dia 22 oktober 2025 y a termina na Pos Chikito dia 12 november 2025. E team di bario a pasa tur bario parti panfleta pa asina invita e bario pa asisti na e reunion di bario.

   Den total di 204 habitante a atende e reunion y a trece diferente tips, sugerencia- y preocupacionnan cu ta sosode den e barionan pariba di brug.

   Loke a resalta durante e reunion di bario tabata entre otro: (*) Molester di auto y brommer cu ta core duro.  (*) Molester di auto y brommer ta haci desordo (overlast) cu mufler kibra. (*) Molester di cacho cu ta cana los y ta bira molester. (*) Molester di sushi cu ta worde tira den bario.  (*) Matanan of yerba cu ta crece band’i caminda.  (*) Falta di ilumincacion.  (*) Casnan bandona cu ta worde ocupa pa adicto ambulante. (*) Musica duro cu ta sali for di establecimento.

   Tambe a resalta esakinan: (*) Hopi peticion pa verkeersplateau (polis drumi). (*) Cacho cu ta mata cabrito y carne di cunukeronan.  (*) Persona cu ta haci desordo pafor di establecimento.  (*) Tambe personan cu ta mentalmente instabil.

   Esakinan tabata un di e puntonan cu mas a resalta na tur e reunion di bario di parti e habitante. E habitantenan cu a asisti na e reunion di contacto a keda hopi contento cu ta organiza reunion pa scucha habitantenan y ta pidi pa esaki sosode mas frecuente.

   Tambe e departamento di FCCA, DIP, y Bureau City Inspector tabata presente pa contesta pregunta y preocupacionnan, Scol pa Polis tambe a forma parti di e anochinan informativo pa esnan presente cu

tabata kier informacion pa solicita pa polis.

   Cuerpo Policial Aruba conhuntamente cu Polis di Bario San Nicolaas ta gradici tur cu a presenta na e anochinan informativo y como tambe e departamentonan encuestion.