The content originally appeared on:
Diario
Ministro Endy Croes:
Na cas di e mayornan di e lider inmortal
Cas cu un balor historico na unda nos gran libertador a lanta y crece
ORANJESTAD (AAN): Recientemente, Minister Endy Croes a reuni cu e comision Museum Betico Croes, lidera pa e mandatario di Enseñansa y Deporte y Stichting Museum Betico Croes.
Desde aña pasa, ta atendiendo cu e bunita proyecto Museum Betico Croes. Lo institui Museum Betico Croes den curason di Santa Cruz na cas di kerido mayornan di nos Libertador Betico Croes (den feliz memoria), caminda nos lider inmortal a crece.
Un proyecto educativo cu balor historico, den cual e scolnan por bishita pa siña e historia di nos Libertador Betico Croes. A haci un “site-visit” caba na e lugar pa evalua e concepto.
Durante e reunion, e arkitecto Sr. Jouel Croes a duna un presentacion di e cambio grandinan cu lo bin rond di e edificio aki. Fuera di esaki, Sr. Renwick Heronimo consehero experto di museum a duna un presentacion di e concepto di e Museum Betico Croes.
Mas en adelante, lo comparti e presentacion aki cu Conseho di Ministronan, pa asina Gobierno di Aruba duna sosten na e bunita proyecto Museum Betico Croes. Asina cu e concepto ta completamente cla den luna di juni, lo duna un presentacion oficial na e comunidad.
Pa finalisa, Minister Endy Croes ta felicita e comision y Stichting Museum Betico Croes cu ta trahando duro pa realisa e bunita proyecto aki den curason di Santa Cruz.
