The content originally appeared on:
Diario
ORANJESTAD (AAN): Diabierna anochi a tuma lugar riba e ruta di Savaneta banda di lama, for di banda di ex-Warda di Polis Savaneta rumbo pa Centro di Bario Savaneta, e asina yama “Parada di Mascarada”.
E animacion musical principalmente a consisti hopi Brassband di e distrito, y tabata un placer enorme pa mira asina hopi multitud ta jump riba e ritmo di Asambeho, cu nan curpa tur disfraza, y cu hasta iluminacion di luz pa haci esaki parce un mini-parada di Luz. A mira brassband di grupo Scout tambe participando. Un persona a hasta puntra ta di unda asina hopi brassband a aparece diripiente?
E ambiente tabata fenomenal, cu varios hende cu neon lights na nan curpa. Por a mira grandi y chikito ta jump. Pabien Savaneta, aunke algun hende a yame “jump-up”, toch loke por a mira tabata uno mucho mas cu djis jump up! E parada sigur tabata uno impresionante!
