Hopi interes den Expo di Salud organiza pa Fundacion ADRA Aruba

ORANJESTAD (AAN): Señora Mirugia Leocadia-Zink, vice presidente di Fundacion ADRA Aruba,

un organisacion humanitario mundial di Iglesia Adventista di Shete Dia, a duna di conoce cu e fundacion ta realizando varios proyecto pa comunidad.

Sigur un di nan proyecto mas conoci ta pa mamanan hoben, cu apesar di a sali na estado na un edad hoben, señora Leocadia-Zink a expresa cu 'bida no a caba' y nan por sigui desaroya nan mes y cu ayudo di ADRA, e mamanan hoben a sigui diferente lesnan den varios area di experticio.

Den fin di siman ADRA a organiza un Expo di Salud, den e recien remodela MFA Noord, na unda por a wak tanto hoben y adultonan mayor haya hopi informacion valioso pa cuida nan salud. Esaki tabata inclui nutricion, importancia di bebe awa, ehercicio, solo, masahe, como tambe confianza den Dios, segun señora Leocadia-Zink a splica.