Grupo grandi a bay mira tres pelicula anochi den naturaleza na Rooi Taki

ORANJESTAD (AAN): Bao e luna yen na Cunucu 297 na Rooi Taki, un grupo di 70 invitado tabatin e oportunidad di mira e 3 produccion di Berea Productions,

e weekend cu a pasa.  E tabata un anochi di pelicula, presenta pa Fundacion Berea.

   E tres peliculanan ta produci pa Desiree Croes y ta titula “E Bruha, Bruhá”, tambe “E Carta”, y a pasa tambe “E Bruha, Bruhá 2”.

   E anochi a habri cu Addonsito Croes como MC.  E tambe a actua den tur 3 pelicula.  El a yama tur presente bonbini. Despues Desiree Croes a dirigi palabra gradiciendo e publico grandi presente y splicando con orguyoso e ta di presenta e.o. e  pelicula di aña 2025 na Corsou, esta “E Bruha, Bruhá 1” den e naturalesa unda e tabata filma.  E mensahe ta pa nos proteha naturalesa di Aruba contra e crecemento demasiado di turismo.

   Tambe el a informa un y tur cu pronto ta cuminsa e filmacion di “E Bruha, Bruhá 3”.

   Pa tur esnan cu ta desea pa e organisacion pasa e peliculanan pa nan, por contact Desiree Croes of Addonsito Croes riba Facebook of Instagram.