Inspectie di IVA dunando un man na studiantenan di Universidad di Aruba

 ORANJESTAD (AAN): Futuro profesionalnan di Aruba studiando na Universidad, ta hopi contento cu e cooperacion ricibi di instancianan oficial.

   Por a compronde cu e.o. Inspectie Volksgezondheid Aruba (IVA), nan tambe ta balora iniciativanan cu ta fortalece investigacion, pensamento critico y colaboracion entre educacion, cuido di salud y comunidad.

   Pesey mes, IVA ta contento di por a contribui na e proyecto “Evaluating Patients’ Perspectives on the Quality of Primary Healthcare Service in Aruba”.

   Ademas di esey, nan tabata presente durante e presentacion final di e research poster.  E profesionalnan di IVA ta gradici e studiantenan pa nan dedicacion y profesionalismo durante henter e trayecto, y tambe ta gradici Universidad di Aruba pa promove colaboracion importante entre practica y academia.