The content originally appeared on:
Diario
Minister Wever a firma acuerdo financiero
ORANJESTAD (AAN): Durante di e LGO-EU Forum dia 29 di februari 2024 cu a tuma lugar na Brussel, Minister di Asunto Economico, Communicatie en Duurzame Ontwikkeling, Sr. Geoffrey Wever a firma como Territorial Authorizing Officer pa Aruba na Union Europeo (EU), e Acuerdo Financiero pa e programa pa digitalisacion di Gobierno pa e implementacion di e eGoverment roadmap, pa un total di 14.2 million Euro.
E contribuicion financiero aki lo wordo uza pa continua cu e meta di gobierno di Aruba pa digitalisa servicionan di gobierno pa ciudadanonan y comercio, pa reduci e red tape y facilita y agilisa e servicionan di tur departamento di Gobierno di Aruba cu ta necesario pa comercio y tur ciudadano, contribuyendo asina na digitalisacion di Aruba y stimulando innovacion na Aruba.
Implementacion di e programa lo inicia den di dos mitar di 2024 y lo tin un duracion di 4 aña.
“Mi ta hopi contento y orguyoso di por a representa Aruba awe, na un momento asina importante Pabien na Aruba cu un paso sumamente importante y pabien tambe na colega Minister President Evelyn Wever-Croes y full su team cu a traha riba e proyecto di eGovernment cu awor por worde implementa.”
E delegacion di Aruba ta consisti di Minister-Presidente Señora Evelyn Wever-Croes, Minister di Asuntonan Economico, Communicacion y Desaroyo Sostenibel Sr. Geoffrey Wever, Gevolmachtigd Minister Sr. Ady Thijsen, Directora di Departamento di Asuntonan Economico, Señora Maria Dijkhoff-Pita y consehero huridico na Aruba Huis, Señora Shandra John.
