Entrante awe documento di Codigo di Conducta ta disponibel riba website di Bureau Integriteit Aruba

Señora Marielle Meaux di BIA:

ORANJESTAD (AAN): Hefe di Bureau Integriteit Aruba (BIA), señora Marielle Meaux, den un entrevista recien, a elabora riba e proyecto GIO, Gedragscode Integriteit voor Overheidsmedewerkers’ (Proyecto di Codigo di Conducta pa Integridad pa Empleado di Gobierno). El a remarca cu e proyecto aki a wordo haci posibel en conhunto cu Departamento di Recurso Humano (DRH).

   El a duna di conoce cu apesar cu tawatin un special pa traha structura GIO, nan a mira necesario pa haya input di empleadonan publico pa sa kico nan ta haya importante pa inclui den e codigo di conducta y si nan ta haya esaki necesario mes pa bin cu ne.

   Segun señora Meaux, di comienso di e proyecto, a haci sessionnan cu e hefenan di Departamentonan di Gobierno y cu Vakbonden. Y tambe a organiza un enquete na unda mas di 700 empleado publico a participa y a indica cua topico nan ta haya importante pa bin den e codigo di conducta. Na final a resulta cu tur a haya importante pa introduci un codigo di conducta.

   Y awo a yega na e producto final di e codigo di conducta, cu segun señora Meaux, ta traha pa empleadonan publico y door di hopi empleado publico. Hefenan di Departamentonan a haya splicacion tocante e contenido di e codigo di conducta y nan tambe mester internamente tene nan departamentonan na haltura di esaki.

   Segun señora Meaux, e GIO no tin reglanan nobo. E ta splica loke tin caba den e LMA. E documento ta den un idioma mas facil y desde awe, 24 di april, e ta obtenibel riba website di BIA.