The content originally appeared on:
Diario
ORANJESTAD (AAN): E compania NV Elmar a indica cu den e area di Tanki Leendert tin un trabao di mantencion
riba e instalacion aki den nan casitanan di transformer cu ta responsabel pa distribui coriente na e area aki.
Regularmente NV Elmar ta realisa trabaonan di mantencion sin interumpi e servicio di coriente, manera esun aki. Nos ta transferi e carga pa sigui distribui coriente na e area por medio di un otro stacion pa evita interupcion di servicio di coriente (shutdowns) pa nos clientenan. Sinembargo, e proceso aki ta pone un esfuerzo adicional riba e kabelnan di e otro stacion. Nos tecniconan lo monitorisa e situacion aki durante henter e periodo menciona.
E trabao di mantencion aki a cuminsa riba Dialuna 20 di Mei y lo finalisa riba Dialuna 27 di Mei. Esaki ta un trabao di mantencion preventivo pa mantene stabilidad di e grid di coriente, garantisando e continuidad di servicio di coriente den e area.
