The content originally appeared on:
Diario
Marck Oduber di IOC UNESCO:
ORANJESTAD (AAN): Cambio climatico ta un tema cu ta hopi importante pa keda atende cu ne. Relaciona cu esaki, Marck Oduber di UNESCO Aruba a duna di conoce cu nan ta keda haci siguimento riba e parti climatologico, pero den e sector cu Oduber ta aden como hefe di e oficina regional di IOC UNESCO cu ta haci tur loke tin di haber cu lama pa Nacionnan Uni.
Oduber a bisa cu lama tin hopi efecto riba clima y riba bida di hende.
El a laga sa cu recientemente na Barcelona tabatin un conferencia riba e Declaracion di Oceano unda diferente topico a wordo palabra riba e retonan di e declaracion di ocean.
Un di nan ta por ehempel, un ‘blue paper’ entre e salud di ocean y salud di sernan humano na mundo, a bisa.
Den e ultimo temponan, lama ta hopi mas calor cu normal. Ta bin ta riparando cu e ‘marine heatwaves’ ta cambiando di basta tempo caba y lama su temperatura ta mas halto door di cambio climatico. Ademas di esey, tin efectonan secundario riba e temporada di horcan.
Aña pasa, tabatin e fenomeno di El Niño y e aña aki ta premira cu El Niño ta bay ta menguando y mas den augustus, september, october, ta bay drenta den La Niña, cu semper tin su factornan mas faborabel pa ciclonnan tropical desaroya, Marck Oduber a splica
