The content originally appeared on:
Diario
ORANJESTAD (AAN): Riba Diasabra 24 di Februari, Colegio Arubano lo bay tene su Dia Publico.
Tur alumno cu tin interes di bay Colegio Arubano, incluyendo nan mayornan, por bay bishita e scol y mira tur loke e scol aki den Vondellaan na Playa ta ofrece.
Esaki ta pa tur alumno cu tin interes of ta curioso pa sa mas di un di e scolnan HAVO. Mayornan tuma tempo y informa boso mes pa asina boso por duna e miho guia pa e yiu su futuro.
Esaki lo bay ta for di 10:00 am te cu 1:00 pm. E Dia Publico ta interesante pa muchanan cu ainda no ta bin Colegio Arubano, pero cu den futuro lo kier bin e scol. Naturalmente, mayornan tambe ta bonbini.
E ‘open dag’ ta particularmente pa tur mucha cu ta den klas 6 di scol basico, alumnonan cu ta den CB1 di mavo y cu otro aña por bay CB2 di HAVO y VWO, alumnonan cu ta den CB2 HAVO/VWO y otro aña ta bay HAVO 3 of VWO 3 y pa tur alumno di examenklas di mavo y kier sigui nan carera escolar na Colegio Arubano den HAVO 4 of VWO 5.
Banda di e materianan lo mustra durante e ‘open dag’ actividadnan extra escolar. Lo tin diferente presentacion y un show di baile. Tambe lo tin oportunidad pa haci pregunta tocante tur cos relaciona cu scol. E ta priminti di bira un dia exitante.
